Za moich czasów, mówie wam,

był cołkiem inkszy świat:

śród babów było pełno dam,

a kożda jak tyn kwiat!

Chłopoki byli tyż na schwał –

łejery! Jasny gwint!

Wej, Francja – elegancja, szał!

Dziewuszki szły jak w dym!

Ref.:

Ej, za naszych czasów,

co minyły het,

kożdy trzymoł fasón,

gdy na randke szed!

Kluft zawdziywoł świyży

tyn, chto dboł o szyk,

nobliwy kołniyrzyk

wsadzoł se na gnyk!

Przy koszuli przodek

sztywny że aż coś,

bo człek dboł o m/ł/ode,

jak najlepszy gość!

Ej, za naszych czasów

jak-żeś nie był grzyb,

kożdo była naszom,

co nom wprysła w ślyp!

Za moich czasów, mówie wam,

tyż o to ździebko szło,

no i z melami tyż był kram,

gdzie diaboł młode mo!

Kramowoł z gracjom kożdy chłop –

łejery! Jasny gwint!

Aż czasym mela krzykła: „Sztop!”

„Nie ściskej! To jezd flirt!”

Ref.:

Ej, za naszych czasów...^[1]