Jo żech kiedyś na zabawie, jak orkiestra grała,

dziołcha jedna fest wymacał, bo mi sie dowała.

Ta żech sie upatrzoł bo mi była szczyro,

inne w pysk mie prały, jak żech sie dobiyroł.

Trefła tyż sie tako jedna, z przeciyntnom urodom,

co mie już po jednym tańcu, zaprosiła do dom.

Postawiyła flaszka wina, pełny stół jedzynio

i frechownie zapytała, czy sie z niom łożynia.

 Ref.

 Niy zmuszo sie singla, by sie pozbył sztyngla,

 ino sie pilnuje, aż sie ustatkuje.

 Niych łon sie wyszumi, jak go jeszcze nosi,

 bo jak już oklapnie, som sie bydzie prosić.

Gupi Józik sie zakochał, w takiyj jednyj Sztefie,

kiero chopcy podgladali w szatni na wf-ie.

Za to w klasie niy jednymu, spuściył Józik szmary,

że patrzeli jak łoblyko, Sztefka szarawary.

Jak sie dziołcha dowiedziała, że jom synek broni,

to chyciyła za telefon, żeby mu zadzwonić.

Zaro tyż mu powiedziała, że chce mieć z nim bajtla,

że zamówi wielko sala i mogom sie chajtać.

 Ref.

 Niy zmuszo sie singla, by sie pozbył sztyngla,

 ino sie pilnuje, aż sie ustatkuje.

 Niych łon sie wyszumi, jak go jeszcze nosi,

 bo jak już oklapnie, som sie bydzie prosić.

Jak już dziołcha chce mieć chopa, musi umieć czekać

i niy dobrze jak sie ciśnie, zaroz pod sztepdeka.

Jak dziołcha chce synka spakować do taszy,

to łon wtedy takiyj freli może sie wystraszyć.

 Ref.

 Niy zmuszo sie singla, by sie pozbył sztyngla,

 ino sie pilnuje, aż sie ustatkuje.

 Niych łon sie wyszumi, jak go jeszcze nosi,

 bo jak już oklapnie, som sie bydzie prosić.^[1]