Trzeba kupić krzinka piwa, biksa kawy cztyry halby,

blacha upiyc trza kołocza i załatwić botich farby.

Meble z izbów powychroniać, żuru naloć pełny talyrz

i w kościele trza dać na mszo, bo we dźwiyrzach stanył malyrz.

 Ref.

 Regularnie co trzy lata, malujymy cołko chata.

 Malujymy tak przez wieki, ściany, zokle i gipsdeki.

 Malujymy w haźlu rułki i na książki stare pułki,

 sztrajchujymy ryczka, stołek, czasym gładko, czasym wołek.

Przyniósł pyndzle, szczotka, kible i linijorz, i drabina.

Jak łobejrzoł czorne ściany zrobiył trocha kwaśno mina.

Pedzioł, że sie niy obrazi jak zrobiymy przigotówka.

Kozoł zdropać szpachtlom farba, zrobić gipsy i filcówka.

 Ref.

 Regularnie co trzy lata, malujymy cołko chata.

 Malujymy tak przez wieki, ściany, zokle i gipsdeki.

 Malujymy w haźlu rułki i na książki stare pułki,

 sztrajchujymy ryczka, stołek, czasym gładko, czasym wołek.

Malyrz nom namiyszoł farby, kożdy dostoł jedyn sektor,

My przez tydziyń malowali a łon patrzoł jak inspektor.

Jednak zanim wzion piniądze, to na koniec tyż sie szfongnoł.

Zilberbrołzom ciepnył walca i z drabiny sztrich pociągnął.^[1]