Chodziył roz do moji klasy, taki jedyn bajtel,

co go matka tak czesała, że w środku mioł szajtel.

Krąglik nosiył wyszkrobiony, przy galotkach kancik.

Choćbych niy chcioł musza przyznać, pieroński pedancik.

Mioł nojlepszy filer w klasie, tinta z Ameryki,

ino co by niy napisoł, szczyloł same byki.

Tasia chyba mioł nojlepszo, szykowne ubranka,

ale głupszy był tyn karlus, jak z byfyja klamka.

 Ref.

 Idealnie tu sie sprawdzo te stare przysłowie,

 że niy ważne jak wyglądosz, ino co mosz w głowie.

Mioł żech kiedyś za sąsiadka, tako jedna frela,

co chodziła wystrojono, ino we niedziela.

W kożde świynto to sie nawet malowała rano

a w beztydziyń tako jakoś była ufifrano.

Przez dwa lata miała nawet, synka na poważnie,

kiery tyż wyglondoł z bliska, troszka niewyraźnie.

Wiedział łon, że dziołcha tako to niy lada gradka

bo we mózgu miała wszyto, platynowo wkładka.

 Ref.

 Idealnie tu sie sprawdzo te stare przysłowie,

 że niy ważne jak wyglądosz, ino co mosz w głowie.^[1]