Galoty w sztrajfki, bez kanty ruły,

woda w piwnicy i lekke oły,

Nylon koszula, szaket w pepitko,

lila apaszka ze szczybnom nitkom.

Na palcu sygnet ze zwykły śruby,

na karku keta, ale bez próby.

Na gowie kaja z czornego zamszu,

chwiejno sylwetka na lekkim rauszu.

 Ref.

 Bo hotelorze mieli swój wdziynk.

Na dyskotekach wzbudzali lynk.

Rwali Ślązoczki na piykne ciuchy,

żywe kolory i kocie ruchy.

Na nogach w zima, ciepłe bambosze,

latym zandale, w polu kalosze.

Kopla z jelyniym, czerwone zoki

i nawet w lato ciepłe spodnioki.

Radio Koliber czy Izabela,

mieli na rynce w kożdo niydziela.

Do tego wela na gynstym żelu.

Tak wyglądali chłopcy z hotelu.

 Ref.

 Bo hotelorze mieli swój wdziynk.

Na dyskotekach wzbudzali lynk.

Rwali Ślązoczki na piykne ciuchy,

żywe kolory i kocie ruchy.^[1]